Aðalfundur Karlakórs KFUM, mánudaginn 15. Mars 2021 kl. 20
Guðlaugur Gunnarsson formaður stjórnar setur fundinn og gerir grein fyrir dagskrá.
Hann stingur upp á Einari Hilmarssyni sem fundarritara og Ólafi Jóhannssyni sem fundarstjóra og eru báðir samþykktir.

1.  Sigurbjörn Sveinsson ritari flutti skýrslu stjórnar fyrir starfsárið 2021.
   Skýrslan samþykkt með lófum.
   
   
2. Sigurjón Gunnarsson gjaldkeri gerði grein fyrir reikningum.
   Samþykkt með lófum.
   
   
3. Árgjald til umræðu stungið upp á hækkun í 15.000 fyrir önn.
   
   
4. Kosning stjórnar.
   Guðlaugur hættir samkvæmt hefð eftir 3 ár í stjórn.
   Stjórnin stingur upp á Páli Skaftasyni og hann samþykktur með lófum.
   
   
5. Kosning skoðunarmanna reikninga.
   Stungið upp á Pétri Ásgeirssyni og Snorra Halldórssyni og þeir samþykktir með lófum.
   
   
6. Umræður um næstu kórferð.
   Ýmsar hugmyndir og ein þeirra að skipa ferðanefnd sem myndi safna hugmyndum og umræðufundur verði síðar.
   Stundið upp á Pétri Ásgeirssyni, Inga Gunnari og Ólafi Jóhannssyni í nefndina og þeir samþykktir.
   
   
7. Gjaldkeri stingur upp á að greitt verði aðstöðugjald til KFUM og hækki í 320 þúsund. Einnig stakk hann upp á að kórinn styrki Kaldársel í ár om 110 þúsund en venjan hefur verið að styrkja sumarbúðir KFUM og K og nú sé komið að Selinu.
   
   
8. Önnur mál.
   Laufey greindi frá því að hún ætlar ekki að halda áfram sem stjórnandi kórsins og voru menn frekar daprir við þá fregn.
   Voru henni þökkuð vel unnin störf og samstarf með dynjandi lófataki.
   
   Sigurbjörn spyr um hvort menn vilji skoða með vorferð um Suðurland og samþykkt að skoða það með varúð og sjá til hvort Kóvið sýni okkur náð og miskunn.
   
   Samþykkt að senda Guðmundi Inga kveðju með þakklæti fyrir fumkvæði sitt við stofnun kórsins á sínum tíma og ósk um góðan bata.
   
   Páll Skaftason sagði nokkur orð og þakkaði traustið.
   
   Sigurbjörn leggur til að Guðlaugi verði falið að hafa umsjón með vefsíðu kórsins áfram og var það samþykkt.

20:55        Fundarstjóri endar með bæn og slítur fundi.
Einar Hilmarsson kjörinn fundarritari.





t.