Ársfundur Karlakórs KFUM fyrir árið 2013, haldinn 23. maí á Holtavegi.
Fundurinn var haldinn að lokinni kóræfingu fyrir 20 ára afmæli sr. Frikrikskapellu, sem haldið
verður upp á 25. maí n.k. Mættir voru 22 kórfélagar og báðir starfsmenn kórsins, þær Laufey
Geirlaugsdóttir og Ásta Haraldsdóttir. Gengið var til dagskrár skv. samþykktum kórsins.
1. Fundarstjóri var skipaður Sigurbjörn Sveinsson og tók hann einnig að sér ritun
fundargerðar.
2. Engin skýrsla lá fyrir frá stjórn enda engin stjórn enn í kórnum.
3. Í stjórn voru kjörnir Hörður Geirlaugsson, Ólafur Jóhannsson og Ragnar Baldursson.
4. Skoðunarmenn reikninga voru kjörnir Ásgeir Markús Jónsson og Grímur Pétursson.
5. Önnur mál:
a. Hörður greindi frá því að kórinn ætti liðlega 300 þúsund krónur á bankabók,
sem inn hefði komið fyrir eina jarðarför og tónleika. Grímur stakk upp á að
þetta fé yrði gefið þegar í stað, en Laufey vildi geyma það til að kaupa nótur.
Þótti tillaga Gríms snjöll í þeim tilgangi að gera skoðun reikninga óþarfa. Hún
hlaut samt ekki brautargengi.
b. Greint var frá vorfagnaði 5. júní n.k. sem haldinn verður í Lindarbrekku við
Kiðafell eða í Hæðarseli 28 eftir vindi og veðrum. Samþ. að hann mætti kosta
allt að 3.500 krónur á mann.
c. Ingi Gunnar vakti athygli á hugmynd um að taka upp söng kórsins og gefa út.
Guðmundur Ingi rifjaði upp gamlar upptökur, sem kannski mætti nota, ef þær
fyndust. Guðlaugi G. fannst það alveg ómögulegt; við skildum bara taka upp
allt ferskt. (Hann var ekki með á gömlu upptökunum.)
d. Þá var spurt, hvort ekki mætti athuga söng með öðrum kórum t.d. kór
Lindakirkju og sýndu félagar því áhuga.
e. Layfey þakkaði kórnum fyrir góðar afmælisgjafir (varð fimmtug) sem runnu í
Sveinusjóð í þágu Ölvers.
6. Sigurbjörn lauk fundi með bæn.
7. Síðan var drukkið kaffi og borðaðir afgangar.
23. maí 2013, Sigurbjörn Sveinsson, fundarritari.
Samþykktir Karlakórs KFUM.
1. Kórinn heitir Karlakór KFUM.
2. Heimili hans er á Holtavegi 28, Reykjavík
3. Kórinn er frístundastarf kórfélaga í þágu KFUM & KFUK á Íslandi og annars
boðunarstarfs fyrir evangeliska kristni.
4. Félagar í kórnum geta þeir orðið sem kórstjórinn metur sönghæfa hverju sinni.
5. Stjórn kórsins skipa þrír kórfélagar sem skipta með sér verkum formanns, gjaldkera
og ritara.
6. Hlutverk stjórnar er að ráða kórstjóra og undirleikara og fara með málefni kórsins milli
ársfunda í góðu samráði við kórfélaga.
7. Tveir skoðunarmenn kórsins skulu fara yfir reikningshald gjaldkera fyrir hvern
ársfund.
8. Ársfundur er haldinn í apríl eða maí ár hvert.
9. Á ársfundi skal gera grein fyrir starfi kórsins, leggja fram ársreikning til samþykktar og ákveða
árgjald næsta starfsárs. Þá skal kjósa stjórn og skoðunarmenn ásamt því að fjalla um annað
sem fundinum þykir fýsilegt.
10. Ef starfsemi kórsins leggst af skulu eignir hans renna til KFUM & KFUK á Íslandi.
Samþykkt samhljóða á fundi kórfélaga á Holtavegi 28, 14. janúar 2013.
verður upp á 25. maí n.k. Mættir voru 22 kórfélagar og báðir starfsmenn kórsins, þær Laufey
Geirlaugsdóttir og Ásta Haraldsdóttir. Gengið var til dagskrár skv. samþykktum kórsins.
1. Fundarstjóri var skipaður Sigurbjörn Sveinsson og tók hann einnig að sér ritun
fundargerðar.
2. Engin skýrsla lá fyrir frá stjórn enda engin stjórn enn í kórnum.
3. Í stjórn voru kjörnir Hörður Geirlaugsson, Ólafur Jóhannsson og Ragnar Baldursson.
4. Skoðunarmenn reikninga voru kjörnir Ásgeir Markús Jónsson og Grímur Pétursson.
5. Önnur mál:
a. Hörður greindi frá því að kórinn ætti liðlega 300 þúsund krónur á bankabók,
sem inn hefði komið fyrir eina jarðarför og tónleika. Grímur stakk upp á að
þetta fé yrði gefið þegar í stað, en Laufey vildi geyma það til að kaupa nótur.
Þótti tillaga Gríms snjöll í þeim tilgangi að gera skoðun reikninga óþarfa. Hún
hlaut samt ekki brautargengi.
b. Greint var frá vorfagnaði 5. júní n.k. sem haldinn verður í Lindarbrekku við
Kiðafell eða í Hæðarseli 28 eftir vindi og veðrum. Samþ. að hann mætti kosta
allt að 3.500 krónur á mann.
c. Ingi Gunnar vakti athygli á hugmynd um að taka upp söng kórsins og gefa út.
Guðmundur Ingi rifjaði upp gamlar upptökur, sem kannski mætti nota, ef þær
fyndust. Guðlaugi G. fannst það alveg ómögulegt; við skildum bara taka upp
allt ferskt. (Hann var ekki með á gömlu upptökunum.)
d. Þá var spurt, hvort ekki mætti athuga söng með öðrum kórum t.d. kór
Lindakirkju og sýndu félagar því áhuga.
e. Layfey þakkaði kórnum fyrir góðar afmælisgjafir (varð fimmtug) sem runnu í
Sveinusjóð í þágu Ölvers.
6. Sigurbjörn lauk fundi með bæn.
7. Síðan var drukkið kaffi og borðaðir afgangar.
23. maí 2013, Sigurbjörn Sveinsson, fundarritari.
Samþykktir Karlakórs KFUM.
1. Kórinn heitir Karlakór KFUM.
2. Heimili hans er á Holtavegi 28, Reykjavík
3. Kórinn er frístundastarf kórfélaga í þágu KFUM & KFUK á Íslandi og annars
boðunarstarfs fyrir evangeliska kristni.
4. Félagar í kórnum geta þeir orðið sem kórstjórinn metur sönghæfa hverju sinni.
5. Stjórn kórsins skipa þrír kórfélagar sem skipta með sér verkum formanns, gjaldkera
og ritara.
6. Hlutverk stjórnar er að ráða kórstjóra og undirleikara og fara með málefni kórsins milli
ársfunda í góðu samráði við kórfélaga.
7. Tveir skoðunarmenn kórsins skulu fara yfir reikningshald gjaldkera fyrir hvern
ársfund.
8. Ársfundur er haldinn í apríl eða maí ár hvert.
9. Á ársfundi skal gera grein fyrir starfi kórsins, leggja fram ársreikning til samþykktar og ákveða
árgjald næsta starfsárs. Þá skal kjósa stjórn og skoðunarmenn ásamt því að fjalla um annað
sem fundinum þykir fýsilegt.
10. Ef starfsemi kórsins leggst af skulu eignir hans renna til KFUM & KFUK á Íslandi.
Samþykkt samhljóða á fundi kórfélaga á Holtavegi 28, 14. janúar 2013.