Samþykktir Karlakórs KFUM

1. Kórinn heitir Karlakór KFUM.
2. Heimili hans er á Holtavegi 28, Reykjavík
3. Kórinn er frístundastarf kórfélaga í þágu KFUM & KFUK á Íslandi og annars boðunarstarfs fyrir evangeliska kristni.
4. Félagar í kórnum geta þeir orðið sem kórstjórinn metur sönghæfa hverju sinni.
5. Stjórn kórsins skipa þrír kórfélagar sem skipta með sér verkum formanns, gjaldkera og ritara. Enginn skal sitja samfellt í stjórn kórsins lengur en þrjú ár.
6. Hlutverk stjórnar er að ráða kórstjóra og meðleikara og fara með málefni kórsins milli ársfunda í góðu samráði við kórfélaga.
7. Tveir skoðunarmenn kórsins skulu fara yfir reikningshald gjaldkera fyrir hvern ársfund.
8. Ársfundur er haldinn í mars ár hvert.
9. Á ársfundi skal gera grein fyrir starfi kórsins, leggja fram ársreikning til samþykktar og ákveða árgjald næsta starfsárs. Þá skal kjósa stjórn og skoðunarmenn ásamt því að fjalla um annað sem fundinum þykir fýsilegt.
10. Ef starfsemi kórsins leggst af skulu eignir hans renna til KFUM & KFUK á Íslandi.

 
Samþykkt samhljóða á fundi kórfélaga á Holtavegi 28 þann 14. janúar 2013 ásamt breytingum á ársfundi 31. mars 2014.