Jólatónleikar 2014
16.desember 2014 kl. 20 á Holtavegi
Stjarnan ljómar í nótt
Stjórnandi: Laufey G.Geirlaugsdóttir
Píanóleikari: Ásta Haraldsdóttir
Einsöngur: Helga Vilborg Sigurjónsdóttir
Dagskrá
Fögur er foldin,
heiður er Guðs himinn,
indæl pílagríms ævigöng.
Fram, fram um víða
veröld og gistum
í Paradís með sigursöng.
Kynslóðir koma,
kynslóðir fara,
allar sömu ævigöng.
Gleymist þó aldrei
eilífa lagið
við pílagrímsins gleðisöng.
Fjárhirðum fluttu
fyrst þann söng Guðs englar,
unaðssöng , er aldrei þver:
Friður æa foldu,
fagna þú, maður,
frelsari heimsins fæddur er.
Matthías Jochumsson
Kom þú, kom, vor Immanúel,
og leys úr ánauð Ísrael,
lýðinn þinn, sem í útlegð er,
og hlekki ber, uns sjálfan þig hann sér.
Ó, fagn ið nú! - Immanúel
mun fæðast sínum Ísrael
Kom þú með dag á dimma jörð,
þín væntir öll þín veika hjörð.
Lækna þrautir og þerra tár,
græð þú, Kristur, öll dauðans djúpu sár.
Ó, fagnið nú! - Immanúel
mun fæðast sínum Ísrael.
Kom þú, kom, Davíðs arfi dýr,
því máttinn þinn allt myrkur flýr.
Lát þú opnast þíns himins hlið,
kom, Guðs sonur, með frelsi þitt og frið.
Ó, fagnið nú! - Immanúel
mun fæðast sínum Ísrael.
Sigurbjörn Einarsson
Það aldin út er sprungið
og ilmar sólu mót,
sem fyrr var fagurt sungið
af fríðri Jesse rót.
Og blómstrið það á þrótt
að veita vor og yndi
um vetrar miðja nótt.
Þú ljúfa liljurósin,
sem lífgar helið kalt
og kveikir kærleiksljósin
og krýnir lífið allt.
Ó, Guð og maður, greið
oss veg frá öllu illu
svo yfirvinnum deyð.
Matthías Jochumsson
Kemur heilög hátíð, hátíð Guðs á jörð.
Kemur heilög hátíð, hátíð Guðs á jörð.
Boðar bjarta daga, boðar frið á jörð.
Og í hverju hjarta, heldur gleðin vörð.
Hringja kirkjuklukkur, kalla mig og þig.
Hringja kirkjuklukkur, kalla mig og þig.
Ljúf er okkur leiðin, ljóss um helgan stíg.
Jesúbarnið blíða, börnin treysta’ á þig.
Ingólfur Jónsson frá Prestsbakka
Lofsyngið Drottni
lýðir tignið hann.
Hefjið gleðihljóma
heiðrið skaparann.
Miskunn hans er mikil
máttarverkin stór.
Lofi, lofi Drottinn,
loft og jörð og sjór.
Lofsyngið Drottni
ljóssins bjarti her.
Óminn ber að ofan
undirtökum vér.
Valdimar V. Snævarr
Vögguljóð hirðanna
Ó sofðu blessað barnið frítt,
þú blundar vært og rótt.
Þig vængir engla vefja blítt
og vindar anda hljótt.
Af hjarta syngja hjarðmenn þér
til heiðurs vögguljóð sem tér:
Viðlag:
Sofðu rótt, sofðu rótt
vært og rótt, sofðu rótt.
Af móður ást sú mærin kær
þér mjúkan gerir beð.
En Jósef frómur færist nær
og fylgist hljóður með.
Við lágan stallinn lömbin smá
í lotning þögul horfa á.
Brátt stækkar þú, þinn dreyrinn dýr
mun drjúpa‘ á þeirri tíð
Þig mannsins illska‘ á krossinn knýr
í kalda gröf um hríð.
Æ, aftur leggðu augun smá,
Guðs engill friðar sé þér hjá.
Þú hvílir mjúkt við móður skaut
svo milt og fjarri vá.
En senn mun krossins þunga þraut
og þjáning bjáta á.
Ó, Jesúsbarn þín vernd og vörn
oss vefji öll hin hrelldu börn
Þorgils Hlynur Þorbergsson
Far, seg þá frétt á fjöllum
Far, seg þá frétt á fjöllum
fjarri og nærri þar og hér.
Far seg það sálum öllum
að son Guðs fæddur er.
Er hirðar gæta hjarðar,
þá hræðir undra sýn.
Frá himni hám til jarðar,
þeim heilög birta skín.
Í bæn þeir höfuð beygðu
er bjarminn lék um þá.
Því ofar stjörnum eygðu
þeir engla Guðs sem tjá:
Far, seg þá frétt á fjöllum
fjarri og nærri þar og hér.
Far seg það sálum öllum
að son Guðs fæddur er.
Kristján Valur Ingólfsson
Betlehemsstjarnan blíða
Þær ljóma og tindra í loftgeimi blá
og geislarnir sindra sem sólbros þeim frá.
en fegurst er stjarna sem færir þér orð,
um frelsi guðs barna og friðinn á storð.
Sú Betlehemsstjarnan hin blíða.
Ef stjörnuna sérðu þá sefast þín þrá
og sæluna berðu í sálunni þá.
Hún bendir á faðminn sem breiðist þér mót.
á eilífðar baðminn af Ísaí rót.
Sú Betlehemsstjarnan hin blíða.
Þær ljóma og tindra í loftgeimi blá
og geislarnir og sindra sem sólbros þeim frá.
En fegurst er stjarna sem færir þér orð,
um frelsi Guðs barna og friðinn á storð.
Sú Betlehemsstjarnan hin blíða.
Friðrik Friðriksson
Á jólanótt
Það var svo fagur draumur sem mig dreymdi
og dásamlega skýr, í alla nótt:
Ég sá, hvar maður mey á asna teymdi
um myrkan fjallaveg, þar allt var hljótt.
Þau skröfuðu með kvíða í hálfum hljóðum
ég heyrði þá að lítið barn var nefnt.
Um húsaskjól var hart á þessum slóðum
því hingað var svo mörgu fólki stefnt.
Þau leiddust inn í lítinn fjárhúskofa
þá lýsti stjarna fögur næturgeim,
og englaraddir almáttugan lofa
sem elskar menn og frelsar þennan heim.
Hér vonarinnar neisti víst er glæddur
sem veitir himingjöf í Betlehem.
Þú Kristur Jesús, frelsari ert fæddur,
ég fagnandi að jötu þinni kem.
Karl Kristensen
Ljós í húminu svarta
Nú ríkir á landinu niðadimm nótt.
Í næturstað manna er kyrrlátt og hljótt.
En erillinn vex þó að aum séu kjör,
ullin er spunnin og strokkað er smjör
Það logar í bænum með ljómann sinn bjarta,
eitt ljós, eitt ljós, (eitt ljós) sem lýsir upp húmið svarta.
Þótt fallinn sé snjór yfir frostkalda jörð
fjöllin í myrkrinu rísa við fjörð,
en Drottinn gaf lífsbjörg og dagverð og skjól.
Það dregur nær aðventu, koma brátt jól.
:/:Við steypum eitt ljós með þá löngun í hjarta,
eitt ljós, eitt ljós, sem lýsir upp húmið svarta. :/:
Skammvinnir dagar og skuggaleg nótt.
Í skammdegismyrkri við von getum sótt
í ljós sem snýr aftur svo lengja fer dag
í ljómandi hátíð og helginnar brag:
[Í jötu var lögð okkar] (úú, a-a) lífsvonin bjarta,
:/:eitt ljós, eitt ljós, sem lýsir upp húmið svarta.:/:
Guðlaugur Gunnarsson
Hin fyrstu jól
Það dimmir og hljóðnar í Davíðsborg,
í dvala sig strætin þagga.
Í bæn hlýtur svölun brotleg sál
frá brunni himneskra dagga.
Öll jörðin er sveipuð jólasnjó
og jatan er ungbarns vagga.
Og stjarna skín gegnum skýjahjúp
með skærum lýsandi bjarma.
Og inn í fjárhúsið birtan berst,
og barnið réttir út arma.
En móðirin sælasti svanni heims,
hún sefur með bros um hvarma.
Og hjarðmaður birtist um húsið allt
ber höfga reykelsisangan.
Í huga flytur hann himni þökk,
og hjalar við reifa strangann.
Svo gerir hann krossmark krýpur fram
og kyssir barnið á vangann.
Kristján frá Djúpalæk.
Englakór frá himnahöll
Englakór frá himnahöll
hljómar yfir víða jörð.
Enduróma fold og fjöll,
flytja glaða þakkargjörð.
Gloria in excelsis Deo.
Gloria in excelsis Deo.
Hirðar, hví er hátíð nú
hví er loftið fullt af söng?
Hver er fregnin helga sú,
er heyrir vetrarnóttin löng?
Gloria in excelsis Deo.
Gloria in excelsis Deo.
Kom í Betlehem er hann
heill sem allri veröld fær.
Kom í lágan, lítinn rann,
lausnara þínum krjúptu nær.
Gloria in excelsis Deo.
Gloria in excelsis Deo.
Jakob Jónsson
Guðs kristni í heimi
Guðs kristni í heimi, krjúp við jötu lága.
Sjá, konungur englanna fæddur er.
Himnar og heimar láti lof gjörð hljóma.
Ó, dýrð í hæstu hæðum.
Ó, dýrð í hæstu hæðum.
Guðs heilagi sonur, ó dýrð sé þér.
Já, dýrð sé í hæðum Drottni, Guði vorum,
og dýrð sé hans syni, er fæddur er.
Lofsöngvar hljómi. - Himinhvolfin ómi:
Ó, dýrð í hæstu hæðum.
Ó, dýrð í hæstu hæðum.
Guðs heilagi sonur, ó dýrð sé þér.
Valdemar V. Snævarr
Stjarnan ljómar í nótt
Heilögust stund allra stunda.
Stjarnan nú skín við mér.
Klukkurnar heyri ég hljóma.
Hátíð í hjarta er.
Syngur af hjarta englahjörð,
hún boðar frið hér á jörð.
Stórfengleg stund, þá allt er hljótt
því stjarnan ljómar í nótt.
Nýfædda barn, ljúft þú blundar.
Birta frá himni skín.
Hirðar þér fóru til fundar,
förum við og til þín.
Ljúft þú í jötunni liggur,
lotning þér einum ber!
Við jötu þessa nú þiggur
þína náð maður hver.
Hér er að finna frið og sátt,
fögnuð sem englarnir tjá.
Hefjum upp söng við hörpuslátt,
því heilög jól verða þá.
Guðlaugur Gunnarsson
Kyrrlát kemur nótt
Kyrrlát kemur nótt
með kærleik, gleði frið og von.
Ást Guðs opinberuð hér á jörð
hún öllum boðar sáttargjörð,
þessa nótt er við fögnum þeim sem fæddur er.
Kyrrð, kyrrð, kyrrð,
þessa nótt gleðin er við völd.
Hjarta mitt af lofsöng hljómar
helgur englasöngur ómar.
Kyrrð, kyrrð, kyrrð,
er við fögnum þeim sem fæddur er.
Kyrrð, kyrrð, kyrrð,
er við fögnum þeim sem fæddur er.
Þórarinn Björnsson
Stjarnan ljómar í nótt
Stjórnandi: Laufey G.Geirlaugsdóttir
Píanóleikari: Ásta Haraldsdóttir
Einsöngur: Helga Vilborg Sigurjónsdóttir
Dagskrá
- Fögur er foldin
- Kom þú kom vor Immanúel
- Það aldin út er sprungið
- Kemur heilög hátíð
- Lofsyngið Drottni
- Vögguljóð hirðanna
- Far, seg þá frétt af fjöllum
- Betlehemsstjarnan blíða
- Á jólanótt
- Ljós í húminu svarta
- Hin fyrstu jól
- Englakór frá himnahöll
- Guðs kristni í heimi
- Stjarnan ljómar í nótt
- Kyrrlát kemur nótt
Fögur er foldin,
heiður er Guðs himinn,
indæl pílagríms ævigöng.
Fram, fram um víða
veröld og gistum
í Paradís með sigursöng.
Kynslóðir koma,
kynslóðir fara,
allar sömu ævigöng.
Gleymist þó aldrei
eilífa lagið
við pílagrímsins gleðisöng.
Fjárhirðum fluttu
fyrst þann söng Guðs englar,
unaðssöng , er aldrei þver:
Friður æa foldu,
fagna þú, maður,
frelsari heimsins fæddur er.
Matthías Jochumsson
Kom þú, kom, vor Immanúel,
og leys úr ánauð Ísrael,
lýðinn þinn, sem í útlegð er,
og hlekki ber, uns sjálfan þig hann sér.
Ó, fagn ið nú! - Immanúel
mun fæðast sínum Ísrael
Kom þú með dag á dimma jörð,
þín væntir öll þín veika hjörð.
Lækna þrautir og þerra tár,
græð þú, Kristur, öll dauðans djúpu sár.
Ó, fagnið nú! - Immanúel
mun fæðast sínum Ísrael.
Kom þú, kom, Davíðs arfi dýr,
því máttinn þinn allt myrkur flýr.
Lát þú opnast þíns himins hlið,
kom, Guðs sonur, með frelsi þitt og frið.
Ó, fagnið nú! - Immanúel
mun fæðast sínum Ísrael.
Sigurbjörn Einarsson
Það aldin út er sprungið
og ilmar sólu mót,
sem fyrr var fagurt sungið
af fríðri Jesse rót.
Og blómstrið það á þrótt
að veita vor og yndi
um vetrar miðja nótt.
Þú ljúfa liljurósin,
sem lífgar helið kalt
og kveikir kærleiksljósin
og krýnir lífið allt.
Ó, Guð og maður, greið
oss veg frá öllu illu
svo yfirvinnum deyð.
Matthías Jochumsson
Kemur heilög hátíð, hátíð Guðs á jörð.
Kemur heilög hátíð, hátíð Guðs á jörð.
Boðar bjarta daga, boðar frið á jörð.
Og í hverju hjarta, heldur gleðin vörð.
Hringja kirkjuklukkur, kalla mig og þig.
Hringja kirkjuklukkur, kalla mig og þig.
Ljúf er okkur leiðin, ljóss um helgan stíg.
Jesúbarnið blíða, börnin treysta’ á þig.
Ingólfur Jónsson frá Prestsbakka
Lofsyngið Drottni
lýðir tignið hann.
Hefjið gleðihljóma
heiðrið skaparann.
Miskunn hans er mikil
máttarverkin stór.
Lofi, lofi Drottinn,
loft og jörð og sjór.
Lofsyngið Drottni
ljóssins bjarti her.
Óminn ber að ofan
undirtökum vér.
Valdimar V. Snævarr
Vögguljóð hirðanna
Ó sofðu blessað barnið frítt,
þú blundar vært og rótt.
Þig vængir engla vefja blítt
og vindar anda hljótt.
Af hjarta syngja hjarðmenn þér
til heiðurs vögguljóð sem tér:
Viðlag:
Sofðu rótt, sofðu rótt
vært og rótt, sofðu rótt.
Af móður ást sú mærin kær
þér mjúkan gerir beð.
En Jósef frómur færist nær
og fylgist hljóður með.
Við lágan stallinn lömbin smá
í lotning þögul horfa á.
Brátt stækkar þú, þinn dreyrinn dýr
mun drjúpa‘ á þeirri tíð
Þig mannsins illska‘ á krossinn knýr
í kalda gröf um hríð.
Æ, aftur leggðu augun smá,
Guðs engill friðar sé þér hjá.
Þú hvílir mjúkt við móður skaut
svo milt og fjarri vá.
En senn mun krossins þunga þraut
og þjáning bjáta á.
Ó, Jesúsbarn þín vernd og vörn
oss vefji öll hin hrelldu börn
Þorgils Hlynur Þorbergsson
Far, seg þá frétt á fjöllum
Far, seg þá frétt á fjöllum
fjarri og nærri þar og hér.
Far seg það sálum öllum
að son Guðs fæddur er.
Er hirðar gæta hjarðar,
þá hræðir undra sýn.
Frá himni hám til jarðar,
þeim heilög birta skín.
Í bæn þeir höfuð beygðu
er bjarminn lék um þá.
Því ofar stjörnum eygðu
þeir engla Guðs sem tjá:
Far, seg þá frétt á fjöllum
fjarri og nærri þar og hér.
Far seg það sálum öllum
að son Guðs fæddur er.
Kristján Valur Ingólfsson
Betlehemsstjarnan blíða
Þær ljóma og tindra í loftgeimi blá
og geislarnir sindra sem sólbros þeim frá.
en fegurst er stjarna sem færir þér orð,
um frelsi guðs barna og friðinn á storð.
Sú Betlehemsstjarnan hin blíða.
Ef stjörnuna sérðu þá sefast þín þrá
og sæluna berðu í sálunni þá.
Hún bendir á faðminn sem breiðist þér mót.
á eilífðar baðminn af Ísaí rót.
Sú Betlehemsstjarnan hin blíða.
Þær ljóma og tindra í loftgeimi blá
og geislarnir og sindra sem sólbros þeim frá.
En fegurst er stjarna sem færir þér orð,
um frelsi Guðs barna og friðinn á storð.
Sú Betlehemsstjarnan hin blíða.
Friðrik Friðriksson
Á jólanótt
Það var svo fagur draumur sem mig dreymdi
og dásamlega skýr, í alla nótt:
Ég sá, hvar maður mey á asna teymdi
um myrkan fjallaveg, þar allt var hljótt.
Þau skröfuðu með kvíða í hálfum hljóðum
ég heyrði þá að lítið barn var nefnt.
Um húsaskjól var hart á þessum slóðum
því hingað var svo mörgu fólki stefnt.
Þau leiddust inn í lítinn fjárhúskofa
þá lýsti stjarna fögur næturgeim,
og englaraddir almáttugan lofa
sem elskar menn og frelsar þennan heim.
Hér vonarinnar neisti víst er glæddur
sem veitir himingjöf í Betlehem.
Þú Kristur Jesús, frelsari ert fæddur,
ég fagnandi að jötu þinni kem.
Karl Kristensen
Ljós í húminu svarta
Nú ríkir á landinu niðadimm nótt.
Í næturstað manna er kyrrlátt og hljótt.
En erillinn vex þó að aum séu kjör,
ullin er spunnin og strokkað er smjör
Það logar í bænum með ljómann sinn bjarta,
eitt ljós, eitt ljós, (eitt ljós) sem lýsir upp húmið svarta.
Þótt fallinn sé snjór yfir frostkalda jörð
fjöllin í myrkrinu rísa við fjörð,
en Drottinn gaf lífsbjörg og dagverð og skjól.
Það dregur nær aðventu, koma brátt jól.
:/:Við steypum eitt ljós með þá löngun í hjarta,
eitt ljós, eitt ljós, sem lýsir upp húmið svarta. :/:
Skammvinnir dagar og skuggaleg nótt.
Í skammdegismyrkri við von getum sótt
í ljós sem snýr aftur svo lengja fer dag
í ljómandi hátíð og helginnar brag:
[Í jötu var lögð okkar] (úú, a-a) lífsvonin bjarta,
:/:eitt ljós, eitt ljós, sem lýsir upp húmið svarta.:/:
Guðlaugur Gunnarsson
Hin fyrstu jól
Það dimmir og hljóðnar í Davíðsborg,
í dvala sig strætin þagga.
Í bæn hlýtur svölun brotleg sál
frá brunni himneskra dagga.
Öll jörðin er sveipuð jólasnjó
og jatan er ungbarns vagga.
Og stjarna skín gegnum skýjahjúp
með skærum lýsandi bjarma.
Og inn í fjárhúsið birtan berst,
og barnið réttir út arma.
En móðirin sælasti svanni heims,
hún sefur með bros um hvarma.
Og hjarðmaður birtist um húsið allt
ber höfga reykelsisangan.
Í huga flytur hann himni þökk,
og hjalar við reifa strangann.
Svo gerir hann krossmark krýpur fram
og kyssir barnið á vangann.
Kristján frá Djúpalæk.
Englakór frá himnahöll
Englakór frá himnahöll
hljómar yfir víða jörð.
Enduróma fold og fjöll,
flytja glaða þakkargjörð.
Gloria in excelsis Deo.
Gloria in excelsis Deo.
Hirðar, hví er hátíð nú
hví er loftið fullt af söng?
Hver er fregnin helga sú,
er heyrir vetrarnóttin löng?
Gloria in excelsis Deo.
Gloria in excelsis Deo.
Kom í Betlehem er hann
heill sem allri veröld fær.
Kom í lágan, lítinn rann,
lausnara þínum krjúptu nær.
Gloria in excelsis Deo.
Gloria in excelsis Deo.
Jakob Jónsson
Guðs kristni í heimi
Guðs kristni í heimi, krjúp við jötu lága.
Sjá, konungur englanna fæddur er.
Himnar og heimar láti lof gjörð hljóma.
Ó, dýrð í hæstu hæðum.
Ó, dýrð í hæstu hæðum.
Guðs heilagi sonur, ó dýrð sé þér.
Já, dýrð sé í hæðum Drottni, Guði vorum,
og dýrð sé hans syni, er fæddur er.
Lofsöngvar hljómi. - Himinhvolfin ómi:
Ó, dýrð í hæstu hæðum.
Ó, dýrð í hæstu hæðum.
Guðs heilagi sonur, ó dýrð sé þér.
Valdemar V. Snævarr
Stjarnan ljómar í nótt
Heilögust stund allra stunda.
Stjarnan nú skín við mér.
Klukkurnar heyri ég hljóma.
Hátíð í hjarta er.
Syngur af hjarta englahjörð,
hún boðar frið hér á jörð.
Stórfengleg stund, þá allt er hljótt
því stjarnan ljómar í nótt.
Nýfædda barn, ljúft þú blundar.
Birta frá himni skín.
Hirðar þér fóru til fundar,
förum við og til þín.
Ljúft þú í jötunni liggur,
lotning þér einum ber!
Við jötu þessa nú þiggur
þína náð maður hver.
Hér er að finna frið og sátt,
fögnuð sem englarnir tjá.
Hefjum upp söng við hörpuslátt,
því heilög jól verða þá.
Guðlaugur Gunnarsson
Kyrrlát kemur nótt
Kyrrlát kemur nótt
með kærleik, gleði frið og von.
Ást Guðs opinberuð hér á jörð
hún öllum boðar sáttargjörð,
þessa nótt er við fögnum þeim sem fæddur er.
Kyrrð, kyrrð, kyrrð,
þessa nótt gleðin er við völd.
Hjarta mitt af lofsöng hljómar
helgur englasöngur ómar.
Kyrrð, kyrrð, kyrrð,
er við fögnum þeim sem fæddur er.
Kyrrð, kyrrð, kyrrð,
er við fögnum þeim sem fæddur er.
Þórarinn Björnsson