Ársskýrsla 2020 Karlakór KFUM
Starfið
Starfsárið varð sérstakt vegna áhrifa sóttvarnar ráðstafanna vegna Covid-19. Þegar í byrjun mars voru teknar þær ráðstafanir af sóttvarnaryfirvöldum um samkomutakmarkanir, að ekki var unnt lengur að halda uppi eðlilegri starfssemi kórsins með æfingum.
Aðalfundur Kórsins var þó haldinn 18. maí enda hafði þá verið nokkuð létt á samkomutakmörkunum og fundarfært. Öll mál voru afgreidd í mikilli eindrægni og með lófaklappi þegar mikið lá við. Þórarinn Björnsson vék úr stjórn eftir þriggja ára farsæl störf sem gjaldkeri og Sigurjón Gunnarsson var kosinn í hans stað. Samþykkt var að styrkja sumarstarfið í Ölveri með myndarlegu framlagi og greiða skrifstofu félaganna hóflegt aðstöðugjald. Nokkur umræða fór fram um mögulega utanferð kórsins 2022 en kórfélagar og makar hafa hleypt heimdraganum á þriggja ára fresti frá 2016. Ekkert var afráðið í þeim efnum.
Staðið hafði til að heimsækja suðurlandið í vorferð og nokkur undirbúningur farið fram, en þeirri ferð varð að aflýsa eins og svo mörgu öðru í Kófinu.
Skógarmenn höfðu kaffisölu í Vatnaskógi 5. júlí og tóku þeir kórmeðlimir, sem treystu sér til, þar nokkur lög og efldu fjöldasöng. Var það eftirminnileg stund þeim sem þátt tóku. Þar frumflutti kórinn lag og texta Inga Gunnar Jóhannssonar ,,Upp í Vatnaskóg“ sem hann tileinkaði Sverri Axelssyni frænda sínum sem var viðstaddur.
Í september var boðað til kóræfinga og haldin ein æfing þann 14. Það sem eftir lifði ársins lá starfið alveg niðri vegna þriðju bylgju faraldursins. Æfingar hófust 25. janúar með því að tvær raddir mættu í einu.
16. febrúar 2021.
Sigurbjörn Sveinsson.
Starfsárið varð sérstakt vegna áhrifa sóttvarnar ráðstafanna vegna Covid-19. Þegar í byrjun mars voru teknar þær ráðstafanir af sóttvarnaryfirvöldum um samkomutakmarkanir, að ekki var unnt lengur að halda uppi eðlilegri starfssemi kórsins með æfingum.
Aðalfundur Kórsins var þó haldinn 18. maí enda hafði þá verið nokkuð létt á samkomutakmörkunum og fundarfært. Öll mál voru afgreidd í mikilli eindrægni og með lófaklappi þegar mikið lá við. Þórarinn Björnsson vék úr stjórn eftir þriggja ára farsæl störf sem gjaldkeri og Sigurjón Gunnarsson var kosinn í hans stað. Samþykkt var að styrkja sumarstarfið í Ölveri með myndarlegu framlagi og greiða skrifstofu félaganna hóflegt aðstöðugjald. Nokkur umræða fór fram um mögulega utanferð kórsins 2022 en kórfélagar og makar hafa hleypt heimdraganum á þriggja ára fresti frá 2016. Ekkert var afráðið í þeim efnum.
Staðið hafði til að heimsækja suðurlandið í vorferð og nokkur undirbúningur farið fram, en þeirri ferð varð að aflýsa eins og svo mörgu öðru í Kófinu.
Skógarmenn höfðu kaffisölu í Vatnaskógi 5. júlí og tóku þeir kórmeðlimir, sem treystu sér til, þar nokkur lög og efldu fjöldasöng. Var það eftirminnileg stund þeim sem þátt tóku. Þar frumflutti kórinn lag og texta Inga Gunnar Jóhannssonar ,,Upp í Vatnaskóg“ sem hann tileinkaði Sverri Axelssyni frænda sínum sem var viðstaddur.
Í september var boðað til kóræfinga og haldin ein æfing þann 14. Það sem eftir lifði ársins lá starfið alveg niðri vegna þriðju bylgju faraldursins. Æfingar hófust 25. janúar með því að tvær raddir mættu í einu.
16. febrúar 2021.
Sigurbjörn Sveinsson.
Reikningar kórsins 2020
Hér fyrir neðan er mynd af undirrituðum reikiningum kórsins. Það kann að vera erfitt að lesa smátt letrið og því er einnig hlekkur á PDF skjal sem hægt er að sækja og opna og þar ætti þetta að vera læsilegra:
| kór2020.pdf |
