​Starfsyfirlit Karlakórs KFUM 2013-2014

Frá síðasta aðalfundi KFUM/KFUK hefur starfsemi Karlakórs KFUM verið öflug.
Fyrsti aðalfundur kórsins var haldinn 23. maí 2013. Kórfélagar völdu sér þriggja
manna stjórn sem skipti þannig með sér verkum: Ragnar Baldursson formaður,
Hörður Geirlaugsson gjaldkeri og Ólafur Jóhannsson ritari. Starfinu sl. vor lauk
með vorferð í sumarbústað eins kórfélaga að Kiðafelli í Kjós í byrjun júní en áður
hafði kórinn sungið á fjáröflunartónleikum Vatnaskógar á sumardaginn fyrsta.
Þráðurinn var svo aftur tekinn upp í sept. Starfsemi kórsins hefur gengið vel í
vetur undir styrkri stjórn Laufeyjar G. Geirlaugsdóttur. Meðleikari er Ásta
Haraldsdóttir. Í kórnum eru nú 35 karlar. 
Fastar æfingar eru á mánudagskvöldum kl. 19:30 í félagshúsinu við Holtaveg.
Auk þess fór kórinn í æfingabúðir í Vatnaskóg laugard. 26. okt. sl. Þá var æft
sérstaklega vegna hausttónleika sem haldnir voru að Holtavegi 28 þriðjud. 12.
nóv. sl. Einnig söng kórinn á fjáröflunartónleikum Vindáshlíðar, aðventukvöldi
Gídeonfélaganna, aðventukvöldi í Friðrikskapellu, hátíðarfundi AD KFUM/KFUK,
í messu í Grensáskirkju, á samverustund eldri borgara í Seljakirkju, á samkomu
kristniboðsviku í Reykjavík, í afmælisveislu kórfélaga og við útför félagsbróður.
Framundan eru vortónleikar í Grensáskirkju að kvöldi 1. maí nk.